拉长耳朵提高警觉是什么歌，2021年度歌单刷屏，腾格尔版《热爱105度的你》冲上榜单？硬核翻唱系列好欢乐。

2021年的最后一周啦，

又到年终盘点的时候啦，

各大平台热搜榜上

都被“年度歌单”呢个话题

刷屏啦！

大家睇到的年度歌单各式各样，

每种唔同的APP都有自己特色的陈列：

比如，

网易云继续在线捏人，

年度歌名同听歌的形象一齐展示。

QQ音乐加咗情怀元素，

类似于QQ上的太阳月亮元素

嚟表示你的级别，

仲为大家定制了唔同主题的星球

真係听歌“识”人啦~

而Apple Music

就延续佢简单明了风格，

一眼就睇出边啲歌直接上榜。

音乐软件都喺度帮手总结，

咁等我哋嚟睇下2021年

都有边啲热门歌曲啦~

《初恋》-林志美
“分分钟都渴望与她见面，

默默地伫候亦从来没怨”，

柔情细腻的歌词配上清新灵动的曲调，

喺视频平台上被人疯狂安利，

当时周星驰电影插曲都有用到呢首，

听到都甜甜哋！

《Ring Ring Ring》-S.H.E

“拉长耳朵提高警觉，

神经细胞全面戒备”

见到歌词时脑度就已经有画面，

旧歌翻红兴起，

可能係因为够趣味吧，

搞怪又得意！

《漠河舞厅》-柳爽

呢首係感动全网的一首歌，

以悲伤凄美的真实故事为创作来源，

故事主人公对爱情的坚定和不渝，

歌颂主人公呢段爱情故事，

网友都为此动容。

《失恋阵线联盟》-草蜢乐队

旧歌上榜一啲都唔出奇，
皆因欢乐节奏非常上头~

MV画面充满年代感

但竟然依家睇都唔觉得违和啵

可能我哋度钟意怀旧~

蜜雪冰城主题曲

“你爱我 我爱你 蜜雪冰城甜蜜蜜”

之前係因为喝奶茶训唔着，

而家係因为奶茶铺的广告歌训唔着！

被蜜雪冰城呢首广告曲一整个大洗脑，

“雪王”的魔性到挥之不去啊！

其实呢首歌

许冠杰好耐之前就有唱过：

叫《有酒今朝醉》

（就话啲旋律点解会咁熟悉）

《热爱105°的你》-阿肆

“Super Idol的笑容都没你的甜～”

唔洗多介绍，

呢首歌简直甜度超标！

听到令人疯狂心动！

讲到《热爱105°的你》就犀利了，

近几日佢再次上排行热榜，

而且比原唱仲“热”啲，

因为腾格尔老师翻唱咗！

当大家打开呢首歌MV的时候，

有网友戏称係《1005°的炼钢水》，

简直犹如二锅头咁上头，

甜中带刚！

唔知你有冇被佢“渌”亲？

唔知係乜嘢奇妙联动，

就连原唱阿肆都话
腾格尔老师唱的超乎想象兼且好得意！

难道呢啲就係嚟自官方的认证？

其实佢嘅硬核翻唱系列

“烫嘴”的唔止呢次，

加埋可以出一个专辑啦！

无论係咩风格的歌，

佢都可以转换格式。

春意盎然嘅《桃花朵朵开》

佢一开口，旁边张碧晨笑cry

评论区最多留言的係：

点解要倒拔垂杨柳，

有种铁树都开花的感觉！

蔡依林的《日不落》

也被佢唱出了“日不敢落”的景象

加埋啲红绿大棉袄的配饰，

真係好难讲唔係钢铁烈日。

张韶涵嘅《隐形的翅膀》

腾格尔老师一开口，

马上变成《高达的翅膀》

少女力超强嘅《卡路里》

被唱出了“卡沟里”的味！

甜甜圈都被吓跑，

魔镜都话“溜了溜了”！

连粤语的《处处吻》都唔放过，

真係各种风格都“雨露均沾”，

虽然都係咁讲，

但係网友睇得又好开心，

评论区都係“哈哈”声一片。

谂唔到新年晚会都未到，

腾格尔老师就带畀大家咁多欢乐，

可能呢啲就係有实力的快乐源泉！

来源：微博、豆瓣

网络信息综合整理

编辑：王婷